Հայաստանի կինոգործիչների միության նախագահ Հարություն Խաչատրյանը և միության նախագահի խորհրդական Արայիկ Մանուկյանը նախարարին հանգամանորեն ներկայացրին միության ընթացիկ աշխատանքներն ու առաջիկա անելիքները:

 

Հարություն Խաչատրյանը նախարարին ծանոթացրեց ««Ազգային Սինեմատեք կոնցեպտ» ստեղծարար կրթական-մշակութային-զբոսաշրջային միջավայր» ծրագրին, որն ամբողջովին ներառում է կրթամշակութային բաղադրիչ:

 

Կարևորելով պետական քաղաքականության մաս կազմող կրթամշակութային ծրագրերի իրականացումը՝ նախարարը մանրամասն տեղեկացավ միության կողմից իրագործվող «Ազգային Սինեմատեք կոնցեպտ» ստեղծարար ծրագրի շրջանակում անցկացվող կրթական և մշակութային նախագծերին: Այնուհետև Վահրամ Դումանյանը շրջեց կինոթանգարանում, ծանոթացավ ծրագրերի ընդլայնման նպատակով ենթակառուցվածքների զարգացման հնարավորություններին:

 

Շրջայցի ընթացքում քննարկվեց նաև պետության հնարավոր մասնակցության հեռանկարներն այդ ծրագրին:

 

Նշենք նաև, որ ԿԳՄՍ նախարարությունն իր դրամաշնորհային ծրագրերի շրջանակում համագործակցում է Հայաստանի կինոգործիչների միության հետ՝ աջակցելով կրթամշակութային մի շարք ծրագրերի իրականացմանը: